Mga residente sa Arca sa Pusok, Lapu' natanggong

Natanggong ang dul-an sa 300 ka mga residente sa sitio Arca sa Pusok dakbayan sa Lapulapu human sirad-i sa usa ka dakong milling corporation ang luna nga mao usab ang ilang agianan.

Panawagan sa residente mao ang pagpahawa sa mga gwardiyang gibutang sa gihimong gate sa maong kumpanya, sanglit gihulagway nilang susama sila og gitanggong sa maong compound.

Matud pang Timoteo Candule, presidente sa Liloan Homeowners Association nga gipahimuslan sa maong kumpanya (ngan gipugngan mentras wala pa kakuhai sa ilang habig) ang rason sa seguridad sa Asean Summit.

Sa pagkakaron, ang hinimo-himo nilang hagdanan mao nalay kaagian sa mga molupyo sa pagsulod ug paggawas sa maong dapit.

Si Pusok Kapitan Tranquilino Omolon mipadala na og komunikasyon ngadto sa tagdumala sa maong kumpanya kabahin sa pagpangural niini apan gikatahong wala hatagi og pagtagad sa kadagkoan niini ang kamandoan.

Usa ka Armando Origenes, nanag-iya og usa ka tindahan diha sa maong dapit, ang mireklamo tungod kay natabunan sa maong paril ang iyang tindahan, matud pa niya nga duna silay kontratang kasabutan tali sa maong kumpanya kabahin sa pagpaninda niya sa maong lugar nga maupos karon pang sunod tuig.

Gikatakdang isang-at sa mga residente ang maong problema ngadto sa korte ug ingon man pagpasaka og kaso batok sa security agency nga gibutang sa maong lugar.