Nahitabo ang pagpamusil sa barangay Cantularoy, Sibonga alas 6 pasado sa buntag niadtong miaging adlaw.
Ang namatay mao si Gomersendo Selada, 39, minyo ug mag-uuma nga nagpuyo sa maong dapit.
Ang suspetsado nga amahan mao si Dalmacio Selada, 61, minyo nga mag-uuma ug silingan usab sa biktima.
Si SPO1 Cesar Gutang sa kapolisan sa nahisgotang lungsod nga gikahinabi sa Banat News miingon nga nagyawyaw sa kasuko ang biktima sa pagpamutol sa suspetsado sa gitanom niining mga saging.
Matud ni SPO1 Gutang nga samtang nagyawyaw ang biktima gialegar usab nga nagdala og pinote nga maoy hinungdan nga giunhan sa pagpusil sa suspetsado sa kahadlok nga matigbasan niini.
Naigo sa dughan ug uban pang bahin sa kalawasan ang biktima ug nakabsan gyod sa iyang gininhawa.
Ang suspetsado kinsa mitahan uban sa armas nga gigamit ang gitanggong karon sa bilanggoan sa maong lungsod ug gikatakdang pasakaan og kasong parricide sa kapolisan.