Ang biktima kinsa nalandig sa Bantayan District Hospital giila sa kapolisan nga si Conie Descartin Carballe, dalaga, nagpuyo sa Hilangtagaan Sta. Fe.
Ang gipasanginlang mibunal sa biktima mao si Thomas Bailey, hingkod, minyo, bayaw sa biktima.
Nasayran pasado alas 9 sa gabii nagkuyog ang biktima ug suspek uban sa igsoon nga asawa sa suspek nga nihapit sa tindahan sa nahisgutang lugar og ni order kini og tulo ka pilsen nga beer.
"Dunay videoke ang tindahan unya nikanta ang biktima, kalit lang gikuha ang microphone og gibunal sa ulo" asoy ni SPO1 Wayne Desabille sa dihang nahinabi sa Banat News.
Ang biktima human makaangkon og dakong gisi sa ulo daling gidala sa district hospital sa Bantayan, samtang ang suspek nasikop sa kapolisan ug gitanggong na karon sa detention cell.