Ang biktima mao si Kervie Patalinghug Yasi, 9, nga nagpuyo sa maong dapit, anak sa magtiayong Roger ug Margarita Yasi.
Base sa imbestigasyon ni PO3 Manolito Abellanosa sa Homicide Section sa kapolisan sa dakbayan sa Lapu-Lapu nasayran nga katapusang nakita ang biktima nga kuyog sa iyang amahan mga alas 7:30 sa buntag.
Mga alas 12 sa udto nakugang na lang ang duha ka mga bata nga migamit sa pansayan nga adunay naglutaw sa septic tank ug sa dihang giugkat kini si Kervie ang nailhan sa mga residente sa maong dapit.
Matud pa sa amahan nga si Roger nagtuo siya nga nagduwa lang sa gawas ang iyang anak. Kini mitug-an nga adunay sakit nga patol si Kervie hinungdan nga nagduda kini nga maoy hinungdan sa pagkahulog sa iyang anak sa ngadto septic tank.
Hinuon sa paghiling sa mga sakop sa Homicide Section walay nasutang foul play sa patay'ng lawas sa biktima ug kumbensido ang ginikanan sa biktima nga disgrasya ang maong panghitabo.