Sa press conference kagahapon sa buntag sa kapihan sa Philippine Information Agency (PIA) sa PRO-7 si Angel Gaviola miingon nga sa pagkakaron wala pa silay nadawat nga reklamo sa ilang buhatan nga miabot na ang lana sa amihanang bahin sa lalawigan partikular diha sa Bantayan, Madridejos ug Santa Fe.
Nunot niining nasinati karon sa paghuros sa hanging habagat nga nakamugna og kadaot ug mikutlo na sa ubang mga kinabuhi sa pipila ka mga lugar dinhi sa Central Visayas.
Matud ni Gaviola nga kun ugaling moabot ang oil spill sa amihanang bahin sa lalawigan sa Sugbo, siya mipahimangno sa local government unit nga moreport gilayon sa Philippine Coast Guard ug Department of Environment and Natural Resources (DENR) nga maoy mosusi sa mga shoreline sa nahisgutang mga lungsod ug aron usab magiyahan sa ilang buhaton.
Mipadayag hinuon og kaandam si Gaviola nga motabang sa pinansiyal pinaagi sa pag-process sa ilang request nga maaprobahan sa hingtungdang buhatan.