Sa maong gidaghanon sa punoan sa marijuana nga naibot 2,307 ang fully grown, 2,038 ang bag-o pang gitanom ug ang 1,077 ang nagsugod na usab sa pagtubo.
Si Chief Inspector Anthony Telin Bagarinao, hepe sa kapolisan sa maong lungsod maoy nangulo sa operasyon nga pagpangroda sa tulo ka sitio nga naglakip sa sitio Taro, Ambacan ug Cabatbatan sa barangay Bayong, Balamban.
Kuyog ni Chief Inspector Bagarinao sa maong operasyon sila si SPO2 Judenes, PO3 Jodenes Aguanta, PO3 Fidel Aloba, PO3 Eugene Macapas ug PO1 Celso Maguidato.
Sa nasayran kang PO3 Celso Diaz sa kapolisan sa maong lungsod nga gikahinabi sa Banat News miingon nga mokabat sa 15 ka kilometro ang gilay-on sa barangay Bayong sa Poblacion, Balamban.
Matud pa niya nga follow up operation kini nga gihimo nila ni Chief Inspector Bagarinao sa miaging semana nga mokabat usab 7,000 kapin ka punoan sa marijuana ang ilang naibot.
Dugang pa ni Diaz nga maoy ilang pagtuo nga makamatikod gayod ang mga nagpasiugda sa pagtanom og marijuana sa maong dapit nga maoy hinungdan nga dali kining makasibat.