Ang biktima mao si Mark Anthony Balili Banzon, 16, ulitawo nagpuyo sa P.G Almendras, Suba, Danao.
Ang gipasanginlang nagpusil mao si Benson Cabajar Villarosa, 20, ulitawo nga lumolupyo sa dalan Duterte, sa samang barangay.
Base sa imbestigasyon ni PO3 Glen Manulat sa Danao Police Station nasayran nga samtang naglakaw si Banson padulong sa ilang pinuy-anan giatngan kini ni Villarosa sa dalan Rizal, Poblacion, Danao, walay daghang estorya kalit kining gipusil ni Villarosa.
Si Banson naigo sa walang bahin sa lawas gamit ang wala pa matinong kalibre sa armas. Gidali pagdala sa Danao District Hospital si Banzon ug gibalhin sa Vicente Sotto Memorial Medical Center, hinuon luwas na kini sa makuyaw nga kahimtang.
Samtang si Villarosa misibat human sa maong hitabo, apan walay swerte kay nasayran sa amahan sa biktima nga si SPO1 Dominador Banzon sa Mandaue Police Office ang mga lugar nga gitaguan ni Villarosa hinungdan sa pagkasikop niini ug gidala sa Danao Police Station.
Matud pa ni PO3 Manulat usa sa motibo nga ilang nakita mao ang panagbangi sa mga grupo sa mga batan-on sa maong dakbayan.
Andam na ang kasong frustrated murder nga ipasaka batok ni Villarosa.