1,000-security personnel ipakatap

Ipakatap ang 1,000 ka security personnel sulod sa Batasang Pambansa complex sa Quezon City atol sa pagpahigayon ni Presidente Gloria Macapagal Arroyo sa State of the Nation Address (SONA).

Si House of Representatives Sergeant-at-Arms Bayani Fabic mibutyag nga ang "Task Force Sunshine" magsugod sa pag-implementar sa ilang security operation usa ka semana una ipahigayon ang SONA.

Ang SONA gikatakdang ipahigayon sa petsa 24 niining buwana.

Matud ni Fabic nga ang task force magbuhat og contingency plan para sa mga dili maayong insidente.

Gibutyag usab ni Fabic nga posibleng ang mga security personnel modaghan pa depende sa sitwasyon.

Si Fabic midungag nga aduna silay ipahigayong tigum karong adlawa tali sa Philippine National Police (PNP) ug security planning.