Produkto sa Mandaue niabot sa World Cup

Mapasigarbuhon gayud ang dakbayan sa Mandaue sa ilang mga maanindot nga mga ginama nga "Dedon handwoven furnitures" sanglit kini gidayeg sa football team sa Germany sa dihang kini ilang nagamit sa Schloss Hotel.

Kining planta nga gipanag-iya ni Bobby Dekeyser gipatukod sa Mandaue niadtong 2001 nga adunay initial capital investment nga P14.3 milyones.

Mikabat 2,800 ang empleyado sa maong planta ug halos 2,000 ka mga tawo ang nagtrabaho dinhi sa Sugbo lakip na ang 100 ka mga empleyado sa research and development team.

"Without Cebu, Dedon is nothing," pong pa ni Dekeyser. Ang Hularo fiber nga ilang gigamit, gigama sa mga Sugbuanon ngadto sa maanindot ug lig-on nga mga furniture. Kining maong mga furniture daling gipadala sa mga showroom sa Dedon sa Austria, Spain ug Germany.

"This latest marketing coup of Dedon has once again highlighted the beautiful blending of German technology with Philippine craftsmanship in the furniture industry. Truly, the Philippines has scored big at the World Cup," pong pa sa DFA.