Samad pinusilan ang naangkon sa iyang ulo sa biktimang giila nga si Gerry Cruz Ong, 37, nga nagpuyo sa Ramona Village, Nunok, Talisay City.
Matud pa ang biktima nga si Ong diha sa sulod sa iyang bodega atol sa pagtulis ug pagkahuman gipusil ka usa ka higayon tumong diha sa ulo.
Ang kapolisan sa Talisay sa Homicide Section ug ang mga sakop sa Intelligence Operatives nga gipangulohan ni Insp. Santillan maoy nangulo sa hot pursuit operation kay ang mamumuno giingong paingon kini miikyas sa habagatang bahin sa lalawigan sa Sugbo.
Wala pa usab matino sa kapulisan ang armas nga maoy gigamit pagpusil ngadto sa biktima sa pagsuwat ning balita.
Si Supt. Romeo Perigo sa dakbayan sa Talisay nga nahinabi sa Banat News ang miingon nga adunay kwarta sa biktima ang nakuha sa tulisan, apan dili pa siya makahatag og insaktong kantidad kon pilay nadala sa nagbinugtong nga tulisan kay sa pagsuwat niining balita nagpadayon pa ang ilang gihimo nga imbestigasyon.
Matud ni Supt. Perigo nga si Ong gidali pagdala sa Chung Hua Hospital gumikan sa kadilikado sa samad nga iyang naangkon.
Apan nianang pagka alas onse sa buntag nakabsan gayud si Ong sa iyang kinabuhi human sa duha ka oras nga nakigkombati ug wala na masalbar pa sa mga doktor sa nahisgutang tambalanan.