... gamay ra kun i-apil ang NPA — Omandam

Giisip sa militar nga "dili kaayo" katuohan ang balita sa giingong nia nay 80 ka mga terorista sa Cebu nga buot mopatay kang Mayor Thadeo Ouano sa Mandaue City.

Matud pa ni Lt. Col. Jeffrey Omandam, tigpamaba sa Central Command nga gamay ra kining gidaghanon kun ilakip ang mga New People's Army (NPA) kay nahilista ra ba ni sila sa grupong terorista.

Midugang si Omandam nga kon ang buot ipasabot ni Mayor Ouano, mga teroristang sakop ni Ben Ladin, sama sa Abu Sayyaf, mahimong dako ug daghan ra usab ang 80 nga estimate.

Apan isip reaction sa gibutyag ni Ouano nga usa siya sa likidahonon ning 80 ka mga terorista, si Omandam nagkanayon nga madyutay man o madaghan kanunay silang nangandam niini.

Matud pa ni Omandam nga isip leading agency sa gobiyerno nga mobantay sa seguridad sa tanang delegado sa ASEAN ang kaigmat sa ilang lihok uban sa mga mata, dunggan ug ang ilang praktisado kaayong lawas, ilang gibaid pag-ayo alang niini matud pa ni Omandam.