City College ni Ouano "hugopan"

Gipaabot nga hugpaan sa daghang tinun-an nga gikan sa kabus nga pamilya ang gitukod nga Mandaue City College ni Mayor Thadeo Ouano sa pagbukas sa klase karong Hunyo niining tuiga.

Gumikan kini sa mahal na nga matrikula sa kolehiyo sa pribadong tunghaan.

Si Dr. Paulos Mariae Cañete nga maoy presidente sa Mandaue City College nga gikahinabi sa Banat News ang miingon nga mokabat sa 300 ka mga tinun-an ang nalista na nga motungha karong pagbukas sa klase niining tuiga.

Matud pa niya gitanyag nilang mga kurso mao ang Nursing, BS Secondary Education, Bachelor of Science in Industrial Technology, Hotel Restaurant Services Technology ug uban pa.

Dugang pa niya nga ang associate courses sa maong mga kurso nga molungtad lamang og duha ka tuig ang nalakip sa ilang gitanyag sa pagbukas sa klase niining tuiga.