Rehiyon gialerto pagpangita sa mga pugante

Kapolisan gimandoan sa Provincial Regional Office (PRO) 7 nga mag-aligmat para masikop dayon ang lima ka pinirisong mi-eskapo niadtong Biyernes sa kadlawon gikan sa Bagong Buhay Rehabilitation Center (BBRC).

Human sa nahitabong jail break sa BBRC miluwat og memorandum niadtong Biyernes si Police Senior Superintendent Carmelo Valmoria hepe sa Regional Operation & Plans Division.

Si Valmoria nag-awhag sa tanang opisyal sa kapolisan nga mohatag og kamandoan sa mga hepe sa kalungsoran nga mag-aligmat para masikop dayon ang nahisgutang mga pugante.

Si Randy Java uban sa mipuga apan nasikop dayon kini sa mga otoridad. Kagahapon nasikop og balik sila si Gabuya, Abadiano ug Saban.