22-anyos nakiglalis sa inahan napusilan sa bukobuko

Usa ka 22 - anyos nga lalaki nga nakiglalis sa inahan niini napusilan sa buko-buko sa iyang ama-ama alas 12 pasado ang takna sa miaging tungang gabii sa Sitio Moloc, Wireless, Subangdaku, Mandaue.

Ang biktima mao si Joseph Saberon nga anak sa pagkadalaga sa asawa sa suspetsado nga si Danilo Hong, 35 anyos nga nagpuyo sa maong dapit.

Sa imbestigasyon nga gihimo nila ni SPO4 Gil Noynay ug PO3 Dindo Montesclaros sa Subangdaku Police Station nasayran nga naglalis ang biktima ug ang inahan niini nga si Soledad Hong.

Gibati og kapungot maoy gihimo niini ang pagkuha sa gitagoang armas nga kalibre 38 ug gipusil ang biktima nga nagtalikod.

Naigo ang bukobuko sa biktima ug dali kining gidala sa Cortes General Hospital sa maong dakbayan apan gibalhin kini sa tambalanan sa dakbayan sa Sugbo alang sa operasyon nga pagahimuon kay miungot man ang bala.

Si Montesclaros nga gikahinabi sa Banat News miingon nga dali nga nakasibat ang suspetsado ug didto kini motahan kang SPO4 Vicente Dionelo sa Cebu Provincial Police Office (CPPO)kinsa mitugyan usab niini ngadto kanila.