2 ka tulisan wa mailhi

Wala pa gayod mailhi sa kapolisan ang duha ka armadong lalaki ang mitulis sa usa ka lending company sa siyudad sa Mandaue diin mokabat sa P233,540 nga salapi ang nasakiyo.

Si P02 Estephane Amamag-id sa Presinto 1 sa kapolisan sa dakbayan sa Mandaue namahayag nga ang duha ka armadong lalaki kalit lang misulod sa buhatan ni John Mark Zamora, lumad nga taga Tacloban, Leyte ug manager sa JGC Lending firm nga gitulis.

Dugang pa niya nga ang sekretarya nga si Maria Fe Aguilar ug mga field collector nga sila si Llone Boryo ug Marites Baguio nga diha usab atol sa maong hitabo gipangtiunan og armas.

Sumala pa ni Aguilar nga nakalitan gayod sila dihang ang mga tulisan kalit lang mition sa armas ngadto kanila ug miingon nga "ayaw mo pagsinggit kay kuwarta among tuyo.

Si Amamag-id miingon nga human makuha sa duha ka tulisan ang kuwarta pinaagi sa pagbukas sa cash box sa kahera, dali silang nakasibat pahilayo.