Ang kapolisan nga gipanguluhan mismo sa ilang hepe nga si Supt. Larson Dechino ug giabagan sa elemento sa Philippine Drug Enforcement Agency-7 ang nironda sa panimaye sa usa ka Dexter Saturos, 21 anyos, ulitawo, sa Beatriz Village, dakbayan sa Danao.
Nasikop ang suspek nga maoy subject sa search warrant nga giluwatan ni Judge Sylva Paderanga sa Regional Trial Court sa dakbayan sa Danao.
Nakuha gikan sa panimaye sa suspek ang duha ka gagmay'ng paketeng shabu nga nitimbang og 0.4 gramos.
Ang pagsuhid gisaksihan mismo sa suspek ug duha ka opisyal sa dakbayan sa Danao nga sila si konsehal Condrado Batungon ug Jose Thaddeus Redoble, Jr. secretary to the mayor.
Ang suspek gipasakaan na og kiha sa kapolisan ngadto sa korte.