Dugang nga petisyon nga nadawat sa iyang buhatan nga gipadala sa mga sakop sa federation sa Parent Teacher Community Association (PTCA) nga gilangkuban sa mga chapter sa matag tulonghaan.
Mokabat sa 1,116 ka ginikanan ug sakop sa PTCA ang mipirma sa maong petisyon ngadto kinsa naghangyo sa pagbawi sa maong luna aron matukod sa maong dapit ang city college.
Matud pa nila nga labing gikinahanglan nilang mga kabus sa dakbayan ang pagtukod sa maong tulonghaan nga kapahimuslan sa mga kabus nga Mandauehanon.
Si Atty. Rommel Erwin Heyrosa sa city legal office sa dakbayan nga gikahinabi sa Banat News mipasabot nga ang tagdumala sa Norkis Trading Co. gipadad-an na og notice to vacate.
Dugang pa niya nga ilang gipaabot ang tubag sa paghatag og kahigayonan aron sa paghatag og panahon sa pagbakante sa mokabat 17,000 ka metro kuwadrado nga gidak-on.
Kini ang magamit na kaayo alang sa edipisyo sa tukorong kolehiyo nga makapalingkawas sa kalisod sa pagpatungha sa ilang mga bata.