Migratory birds labing daghan sa Enero - Pagasa

Gikabalak-an sa mga tinugyanan sa panahon nga labing modas-ag karong Enero ang mga langyaw'ng langgam kon "migratory birds" nga may bird flu dinhi sa nasud.

Matud pa ni Oscar Tabada, hepe sa Philippine Atmospheric Geophysical and Astronomical Administration (PAG-ASA) Mactan nga nia ang labing kuyaw sa Cebu tungod sa Olango island nga maoy tugpahanan sa maong mga langgam.

Ang gipasabot ni Tabada mao nga sa buwan sa Enero labing motugnaw ang mga nasud sa Siberia ug China gumikan sa kabaga sa yelo nga ibundak sa uwan didtong dapita.

Gani dili kalikayan nga ang buwan sa Enero maoy labing tugnaw usab dinhi sa nasud, apan tinipsing lang kini sa katugnaw sa Siberia ug China kansang hangin mopadpad sa katugnaw nila nganhi sa Pilipinas.

Maoy hinungdan nga walay laing kabalhinan ang maong mga langgam nga sagad tua magikan sa maong mga nasud ug mangita sila ug lugar nga naandan nilang pahuwayan sa panahon sa katugnaw.

Miingon si Tabada nga bantayanan sa mga tinugyanan sa kalikopan, agrikultura ug sa kasanihan ang mga migratory birds sa buwan sa Enero.

Kini pinaagi sa maayong pagmonitor sa Olango island diin naa mohugpa ang mga langgam nga gikan sa gawas.

Matud pa ni Tabada nga dili katiaw-tiawan ang isyu bahin sa bird flu karong panahona