5 ka hepe sa lungsod ilisan

Lima ka hepe sa kapolisan sa lalawigan sa Sugbo ang gipanghulipan sa katungdanan.

Ang hepe sa kapolisan sa lungsod sa Carmen nga si P/Insp. Amadeo Pepito ang ibalhin sa Provincial Security Service Group (PSSG).

Ang mohulip kang Pepito mao si Insp. Carlos Reyes, ang hepe sa kapolisan sa lungsod sa Minglanilla.

Si Reyes unang gikatakda nga relibohan nunot sa kapakyas sa iyang mga sakop sa pagdakop sa nipusil patay kang barangay konsehal Gilbert Cañares ug ig-agaw nga si Antonio Cañares sa barangay Tunghaan niadtong Oktobre 31.

Samtang ang mohulip kang Reyes sa Minglanilla mao si PS/Insp. Bonifacio Tecson kinsa gikan sa PSSG.

Si PS/Insp. Ali Baron, hepe sa lungsod sa San Fernando ibalhin sa PSSG ug ang mohulip kaniya mao si S/Insp. Ramon Ortiz kinsa gikan usab PSSG.

Ang hepe sa Consolacion, S/Insp. Claro Benatiro ang mohulip kang S/Insp. Ernesto Yongco sa lungsod sa Dalaguete samtang si Yongco ibalhin usab sa PSSG.