Ayuda sa kapolisan

BOHOL - Gitinguha karon sa mga opisyal lokal ning probinsya nga muhatag og ayuda ngadto sa kapolisan aron sa ingon mapalapdan ang kalihukan sa mga polis nga gitahasan sa paghatag og pag-atiman ug paseguro sa seguridad sa mga turista.

Si Gobernador Erico Aumentado miingon nga sa pagka karon ang probinsya sa Bohol mipalapad sa kalihukan sa mga turista.

Apan siya mitataw nga gikinahanglan gayud kaayo nga maseguro nga magpadayon kining maong gimbuhaton.

Nagkanayon si Aumentado nga mahimo lamang kini kon anaa sa maayong pagtagad ang ilang mga panginahanglan.

Usa sa nakita sa gobernador mao nga angayan ipaubos sa halapad nga pagbansaybansay ang mga polis.

Gipasabot ni Aumentado nga kini tinguha niya nga ipatuman sa kadagkuan sa kapolisan sa probinsya.