SK wagtangon?

Gibutyag ni House Committee on Local Government Rep. Emilio Macias nga dunay mga magbabalaod nga mipasar og mga balaudnon nga nag-awhag nga wagtangon na ang Sangguniang Kabataan.

Kini gumikan sa giingong paggamit sa mga politiko sa kabataan alang sa ilang kaugalingong interes nga giisip nga supak sa katuyoan nganong gitukod ang SK sa mga lokal nga kagamhanan.

Si Macias sa usa ka interbyu sa lokal nga sibyaanang DyLA mitug-ang usa sa mga mipasa og balaudnon niini mao si Cavite Rep. Gilbert Remulla kinsa produkto sa SK.

Sumala pa niya naa pa kini sa "Committee level" nga iyang gipangulohan ug padayon pang gidebatihan sa mga magbabalaod, samtang iyang giangkon nga mismo sa mga sakop sa iyang komitiba daghan ang pabor nga wagtangon kini.

Sa samang interbyu si Macias mitug-an nga karong Mayo 2008 maoy gikauyonan sa kongreso nga ipahigayon ang sunod nga piniliay alang sa SK apan nagkanayon nga posibleng nianang mga panahona ang ubang mga miyembro sa SK nga naa karon sa posisyon hamtong na ang pangidaron.