Programa sa turismo giawhag ipatuman

Tagbilaran City Giawhag ni Secretary Joseph Ace Durano sa Department of Tourism kon DOT ang mga opisyal lokal nga sagopon ang programa nga gitumong aron paghatag sa kaseguruan sa mga turista nga muduaw sa ilang dapit.

Si Secretary Durano nga miduaw ning dakbayan mihangop sa paglusad sa programa nga gitumong aron pagseguro nga luwas ang mga turista nga muduaw sa usa ka lugar.

Matud pa ni Durano nga ang programa nga Safety of Tourist Operational Program kon STOP gitumong alang lang gayud sa mga turista.

Gipasabot ni Durano nga kini nga programa gipaluyohan sa pribadong sektor nga nagpakabana usab sa pagpalambo sa programa sa turismo.

Nalipay si Durano nga gilusad na kini nga programa sa dakbayan og mahimong sundon sa uban usab nga lugar.

Giangkon ni Durano nga ang programa sa turismo gikinahanglan gayud nga tabangan sa tanang sektor.