Turista midaghan

Bohol - Giangkon ni Secretary Joseph Ace Durano sa Department of Tourism nga nagpabilin karon ang pagdaghan sa ma turista nga miduaw sa nagkalain-laing mga lugar sa tibuok Kabisay-an taliwala sa padayon nga kalihukan sa mga sakop sa oposisyon sa kaulohan.

Si Secretary Durano mipahibawo nga wala gayud magpakita ang mga turista sa ilang kabugnaw bisan pa man niining nanghitabo karon sa nasud.

Matud pa ni Durano nga talaan sa ilang buhatan nagpakita nga nagkadaghan gayud pag-ayo ang mga turista nga nadasig sa ilang pagbisita sa nasud.

Kadaghanan kanila deretso sa naglkalain-laing mga lugar sa Kabisay-an ilabi na gayud sa probinsya.

Ang buhatan ni Durano mapalapad karon sa ilang kalihukan sa pagdani sa mga turistang langyaw pagduaw sa nasud.

Matud pa ni Durano nga nalipay siya gumikan kay nagbungan man gayud og maayo ang iyang gihimo nga kalihukan.

Subay niini si Durano nanawagan sa mga opisyal lokal nga mutabang sa DOT sa kampanya niini.