Gipaghot sa iro, sa tag-iya namusil

Usa ka wala hiilhing tawo nga naglagot kay gipaghot sa iro, mipusil sa tag-iya sa iro niadtong Biyernes sa gabii didto sa barangay Mainggit, Toledo City.

Si SPO3 Virgelio Manatad, desk officer sa Toledo Police Office, miila sa biktima nga si Julieta Carreon, 39, minyo taga Mainggit.

Gitaopan ang bukobuko sa biktima sa usa ka bala sa wala pa hiilhing kalibre sa armas de fuego.

Sumala sa biktima nga naglawog siya sa ihang baboy nianang alas 9:00 sa gabii kauban sa iyang iro.

Tungod sa pagkahingusig sa iyang iro, nakabati kinig kasikas sa dalan haduol sa ad sa baboy hinungdan nga mihiwasa ang iro og namaghot.

Malagmit sa kalagot sa tawo nga gisigehan siyag paghot ug gihan-an na pag-unot aron gus-abon sa iro, mihulbot kini sa iyang armas de fuego.

Apan imbis iro ang tirohan, ang tag-iya niini maoy gipontariya gumikan kay wa makasanta sa iyang iro nga pumapaak gyud.

Mao kini ang pagtuo sa biktima ug sa iyang mga paryente tungod kay wala man silay kontra sa ilang dapit.