^

Banat Balita

Hapsay nga dagan sa trapiko gimando ni Baricuatro

Jonnavie Villa - Banat

CEBU, Philippines — Gimandoan ni Gobernador Pamela Baricuatro ang tanang siyudad ug lungsod sa lalawigan nga magpatuman og hugot nga traffic management ug public safety measures aron malikayan ang grabeng kahuot sa trapiko panahon sa Undas 2026.

Pinaagi sa Executive Order (EO) No. 56, nga gipirmahan ni Baricuatro niadtong Oktubre 26, gimandoan ang mga lokal nga pangagamhanan nga mag-andam og komprehensibong plano alang sa pagdumala sa trapiko ug kaluwasan sa publiko gikan Oktubre 31 hangtod Nobyembre 3.

Gilauman nga modagsa ang mga motorista, pasahero ug mga pedestrian nga mobiyahe ngadto sa nagkalainlaing sementeryo, memorial parks ug mga dapit sa relihiyosong kalihokan sa Nobyembre 1 ug 2 alang sa pagsaulog sa All Saints' Day ug All Souls' Day, nga mas nailhan sa katawhan isip Kalag-Kalag.

Ubos sa mando, ang tanang mayor sa siyudad ug lungsod kinahanglan magtukod og Local Traffic Control and Emergency Operations Center (EOC) nga mag-operate 24 oras kada adlaw sulod sa maong panahon.

Gihatagan og dakong pagtagad sa EO ang mga highways nga nagdugtong sa Metro Cebu ngadto sa amihanang ug habagatang bahin sa lalawigan nga kasagarang maghuot sa trapiko panahon sa dagkong holiday.

Ang mga LGU gikan sa Minglanilla hangtod Carcar City sa habagatan ug Mandaue City hangtod Danao City sa amihanan kinahanglang mo-deploy og mga personnel sa mga dalan diin pirmeng magka-traffic.

Lakip sa mga lakang ang pagpatuman og temporaryong one-way traffic scheme kon gikinahanglan, pagtudlo og mga lugar alang sa pagsakay ug pagnaog sa mga pasahero, ug hugot nga pagpatuman sa no-parking policy sa mga national highways. bKinahanglan usab nga makig-alayon ang mga traffic authorities sa mga dagkong interseksyon, merkado ug mga dalan padulong sa mga sementeryo ug memorial parks.

Gimandoan ang mga LGU nga magtudlo og mga alternatibong ruta alang sa dagkong cargo truck aron maminusan ang paghuot sa mga dagkong dalan.

Ang tanang LGU kinahanglang gamiton ang ilang mga traffic enforcer, kapulisan, Bureau of Fire Protection, lokal nga disaster risk reduction teams ug mga barangay tanod alang sa seguridad ug kahapsay sa trapiko. Lakip sa mga direktiba ang pagpanangtang sa mga ilegal nga namaligya, mga sakyanang ilegal nga giparking ug uban pang mga babag sa mga dalan nga giila nga holiday routes.

Kinahanglan usab nga wagtangon o undangon ang mga road works nga dili emerhensiya aron malikayan ang dugang kahuot.

Samtang, gihangyo ang Cebu Provincial Police Office, Land Transportation Office Region VII, Department of Public Works and Highways Region VII ug Philippine Coast Guard nga makigtambayayong sa mga LGU sa pagpatuman sa highway enforcement, vehicle inspection ug crowd control.

Ang Provincial Disaster Risk Reduction and Management Office maoy magmonitor sa pagsunod sa mando ug magsumite og adlaw-adlaw nga situation report ngadto sa gobernador hangtod matapos ang implementasyon sa Nobyembre 3. – IBM BANAT NEWS

UNDAS

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with