“Tayo sa Wakas,” nag-una sa Netflix PH

CEBU, Philippines — Kasamtangang nag-una  sa Netflix Philippines ang Star Cinema romantic drama nga “Tayo Sa Wakas,” nga gibitoonan  nila Donny Pangilinan ug Belle Mariano.

Pagkahuman sa pag-stream niini sa Netflix niadtong September 11, misaka dayon kini sa unang puwesto.

Ang pelikula nagtuyok sa istorya nila Cheska ug Cisco, nga naningkamot sa paghatag og katapusang higayon sa ilang relasyon.

Kumpirmado ang relasyon

Gikumpirmar sa aktres nga si Bela Padilla ug sa negosyante nga si Martin Tan nga duna sila’y relasyon .  Walo ka buwan na sila nga naghigugmaay .Suma pa sa duha nga nagkaila sila pinaagi sa usa ka mutual friend.

“On My Way”

Gi -release na sa celebrity couple nga sila James Reid ug Issa Pressman ang  ilang bag-ong kanta  nga “On My Way” nga madungog sa nagkalain-laing digital streaming platforms.Nalakip ang maong kanta sa bag-ong album ni James nga “Honey, I’m Home.”

Baby girl

Babaye ang umaabot nga anak  nila Empress Schuck ug  Bino Guingona. Gipahigayon sa niaging adlaw ang gender reveal alang sa ikaduhang anak sa magtiayon. “ I can’t believe it!. It’s another girl ,” suma pa ni Empress . 

“THE LOYALTY GAME: LEVEL UP”, MOLUGWA SA FREE TV

Human sa malampusong pagpasalida niini sa Prime Video Philippines, dad-on na sa  Free  TV ang “The Loyalty Game: Level Up” sugod karong Oktubre 5.

 Makita ang maong serye sa Kapamilya Channel, TV5, ALLTV2, ug A2Z, lakip ang Kapamilya Online Live ug iWant.

Suma pa nga angayan atngan ang pag-ere sa maong  serye sa Free TV tungod kay adunay “never-before-seen scenes” ug mga rebelasyon nga wala makita kaniadto sa streaming version.

Una nang nakadawat og dakong suporta ang maong  Star Creatives suspense series sa Prime Video Philippines ug kanunay kini nga nag-una kaniadto  sa most-watched series sa maong streaming platform. Hangtod karon, anaa gihapon kini sa Top 10.

Gibidahan nila  Jericho Rosales ug Janine Gutierrez ang maong serye ug nidala sila isip magtiayong  Ben ug Ana, nga nag-atubang og mga hagit  tungod sa mga tinago kalabot  sa pagkamatinud-anon, pagbudhi ug pagsalig.

Apil usab sa cast sila Charlie Dizon, Sofia Andres, Yassi Pressman, Yen Santos, Elisse Joson, Karina Bautista, KD Estrada, Robbie Jaworski, Alyanna Angeles, Kira Balinger, Maika Rivera ug Carmina Villarroel.

Kauban pud  nila ang mga beteranong artista  nga sila Carlitos Siguion-Reyna, Bernard Palanca, Desiree del Valle ug Pilar Pilapil.

Si Mae Cruz-Alviar ang direktor niini  kauban sila Ian Loreños, Raymund Ocampo ug Cathy Garcia-Sampana.