Laing mass shooting napakgang
CEBU, Philippines — Nikusog ang panawagan karon nga i-ban na dinhi sa nasud ang video game nga “Gorebox” human sa pagkapakgang sa gikatahong lain napud untang mass shooting sa sulod sa eskuylahan sa Leyte niadtong adlaw nga Miyerkules.
Gikustodiya karon sa kapolisan ang usa ka 14-anyos nga tinun-ang babaye nga giingong nag-post nga maglusad og pagpamusil ug papanunggab diha sa ilang eskuylahan.
Nasayran nga adik sab sa duwa nga Gorebox ang maong tinun-an sumala pa ni Interior Secretary Jonvic Remulla sa press conference kagahapon, Hunyo 25.
"Lahat sila avid fans ng Gorebox," matud pang Remulla.
Napakgang kini human nga si Sen. Bam Aquino mipahibalo bahin ani kang Remulla. Sumala pa ni Remulla gikustodiya na ang maong dalagita alas-onse sa gabii niadtong Miyerkules. Nasuta sad nga walay gipanagiyang rehistradong armas ang mga ginikanan niini. Ang Gorebox gi-ban na sa Cybercrime Investigation and Coordinating Center human sa nahitabong pagpamusil sulod sa eskuylahan sa Tacloban City niadtong Hunyo 22, diin duh aka menor de edad sab ang mga suspek u gang usa nagumon sa duwa nga Gorebox.
Mtud pang Remulla, nagtuo ang mga imbestigador nga gustong i-‘copycat’ sa maong tinun-an ang krimen sa Tacloban City kay naimpluwensiyahan kini sa maong video game.
"Ayun ang delikado dito. Kasi nga nakikita sa video games na napakadali bumatay ng tao," matud pang Remulla.
Para kang Remulla ang GoreBox permanente ng i-ban dinhi sa nasud.- Gikan sa Philstar.com/IBM BANAT NEWS
- Latest
