EDITORYAL — Managana daan

Human sa pag-igo sa 7.8 magnitude nga linog didto sa Sarangani Province sa Mindanao niadtong miaging Lunes, daghang nangggawas nga mga pamahayag gikan sa mga eksperto nga nagpahibalo sa posibilidad nga duna pay laing umaabot nga mga sama ani o mas kusog pa nga linog.

Kani nga matang sa impormasyon dali kaayong gipik-ap sa nagkadaiyang mga media outlets ug gibalita kini ngadto sa publiko.

Miani kini og daghang reaksyon ug komento diha sa social media, dunay mga nidawat sa balita isip mahinungdanong impormasyon kay para nila makatabang kini para makaprepaparar ang tanan.

Nay puy uban nga gisalig nalang ang tanan sa Kahitas-an ug nidawat sa kamatuoran nga ang tawo abog lang nga nagpatong dinhi ning kalibotana ug sa kinaiyahan.

Sila kadtong mga tawong bukas para sa dugang kaalam ug kadtong nasayod sa limitasyon sa tawo ug gidawat ang kamatuoran.

Pero naa puy uban nga gisaway ang media tungod kay gihadlok daw sila aning mga balitaa bahin sa linog.

Naa pay uban nga nakaako pa og pamasangil sa media nga mas gipalabi pa ang paghadlok sa mga tawo pinaagi anang balitaa imbes nga ang flood control issue maoy ibalita.

Una sa tanan, may isyu man o wala bahin sa flood control, wala nay koneksyon sa katalagman sama sa linog ug naay panahon para ana sa pagbalita, dili man pud tingali husto nga pulos nalang tanang estoryang ibalita bahin lang ana.

Gibalita kini sa media dili para hadlukon ang publiko kondili tungod kay gikinahanglan kaayo n inga impormasyon para sa tanan, ilabi na sa mga lugar nga dunay mga aktibong fault lines o mga liki sa ilawom sa yuta nga pila ka kilometros ang gilawomon.

Usa ana ang Cebu, ang mismong isla sa Cebu adunay mga karaan sa una pang mga kaliboan ka tuig na nga mga fault lines nga wala pa matandog bisan sa mga nangaging mga paglinog.

Sumala pa sa Phivolcs, naay upat ka mga karaang mga liki say uta nga naa sa kabukiran sa isla sa Sugbu. Kining mga likia nagkutay sa pipila ka mga lungsod.

Dili ba mas husto kung managana kaysa ayha pa mangurus inig maigo na sa kilat?