Ang Kapitbahay (121)
PATULOY na sinubaybayan ni Vince ang kilos ng mag-inang Margie at Brenda. Gusto niyang makitang pagbabago sa ginawa niyang lihim na pagsusumbong kay Renan. Baka may ginawang hakbang si Renan.
Pero sa obserbasyon ni Vince, walang nangyari. Walang pinagbago sa mga nangyayari sa kanyang kapitbahay.
Isang umaga, dakong alas otso, nakita niyang umalis si Margie. Tila nagmamadali.
Naiwan kaya si Brenda sa bahay o nasa school?
Makalipas ang kalahating oras, dumating sa bahay ang “kalaguyong” si Ram.
Nakita niyang lumabas sa bahay si Brenda at binuksan ang gate. Naiwan pala si Brenda sa bahay. Maaring mamaya pang hapon papasok sa unibersidad.
Pumasok si Ram sa bahay na parang walang anuman.
Hindi umalis sa tabing bintana si Vince. Naglalaro na naman ang kanyang imahinasyon sa maaring nangyayari sa loob ng bahay. Ayaw man niyang isipin, sinasamantala na naman ni Ram ang kasariwaan ni Brenda.
Paano kaya kung biglang dumating si Margie at mahuli ang dalawa?
Muli naman niyang naalala ang ginawang pagtext kay Renan sa Saudi at sinumbong ang ginagawa ni Margie.
Naisip ni Vince, ano kaya at isumbong niya ang ginagawa ni Ram kay Brenda?
Para malaman na ni Renan ang lawak ng sira na dinulot ng pagtataksil ni Margie. Baka masira na nang tuluyan si Brenda kung walang gagawin si Renan.
Itutuloy
- Latest
