Ang Kapitbahay (120)
KINAGABIHAN, tinext ni Vince si Renan sa Saudi gamit ang ibang cell phone at sinabi ang nangyayari sa asawang si Margie.
“Kaibigan, nagmamalasakit lamang ako. Gusto kong malaman mo na may nangyayaring hindi maganda sa asawa mo. Mayroon siyang ginagawang “bawal” na sumisira sa pagsasama ninyo. Mas makabubuting subaybayan mo siya Huwag mo nang alamin kung sino ako. Ang mahalaga, naipaabot ko ang mga nangyayari.”
Hindi nakatanggap ng reply si Vince mula kay Renan. Naisip ni Vince na nag-iisip marahil si Renan.
Lumipas pa ang ilang araw at walang natanggap na anuman si Vince mula kay Renan.
Nag-isip si Vince.Ano kaya ang binabalak ni Renan ngayong may nalaman tungkol kay Margie? Naniwala kaya o nagdududa? Maaring nag-iisip na “naninira” lamang ang nag-text at hindi dapat pansinin.
Patuloy namang iniwasan ni Vince na magkausap sila ni Margie. Sinubaybayan na lamang niya ang mga kilos ni Margie at Brenda.
Itutuloy
- Latest
