Ang Kapitbahay (116)

Huli na para ma­kaiwas si Vince kay Margie.

“Vince, ngayon lang kita nakitang naglilinis ah! Kumusta?”

“A e mabuti.”

“Akala ko nag-ab­road ka na rin—hindi kasi kita nakikitang lumalabas.”

“Lumalabas ako. Hindi mo lang ako natitiyempuhan.”

“Ah baka nga.”

“Busy ka siguro kaya hindi mo ako nakikitang naglilinis dito.”

“Oo—busy nga ako.”

“Bakit?”

“A e kasi, naghaha­nap ako ng malilipatang condo.”

“Lilipat kayo sa condo?”

“Balak pa lang naman.”

“Ah sabagay dapat nga lang.”

“Kasi malaki rin ang upa namin dito—kaysa umupa, ibayad na lang sa condo.”

“E di kapag naka­lipat kayo wala na akong makakakuwentuhan. Hindi ko na rin makakakuwentuhan si Renan.”

“E di kumuha ka rin ng unit sa condo na lilipatan namin.”

“Puwede.”

(Itutuloy)