Ang Kapitbahay (97)
NAGPATULOY si Renan sa pagkukuwento kay Vince ng mga naging karanasan nito sa Saudi. Hindi naman agad makumbinsi ni Vince ang sarili sa mga ikinuwento ni Renan. Sabi ni Renan, siya pa raw ang nakakapera sa mga nakakarelasyon niyang babae. Hindi siya gumagastos. At pinagmalaki pa ni Renan na siya pa ang binibigyan ng pera ng babae. Karamihan daw sa mga nakakarelasyon niya ay mga biyuda na naghahanap ng “aliw”. Mga babaing “uhaw” at gustong maranasan ang sarap na dulot ng ibang lalaki.
Inamin ni Reynan na mistula siyang callboy.
“Mas okey na ang callboy dahil nakakatikim na, kumikita pah, hik” sabi nito
“Wala kang binabahay na babae?” inulit muli ni Vince ang tinanong kanina.
“Walah. Ba’t akoh magbabahay. Sakit ng uloh yun, hik.”
Muli naisip ni Vince na mali yata ang nakarating na balita kay Margie, na may binabahay itong babae.
“Kung ikaw ang magsa-Saudi, Vince, marami kang matitikman dun, hik!” At sinundan ng tawa.
“Puwede ba ako roon?” biro ni Vince.
“Oo naman, hik! Ano ba ang propesyon moh?”
“Nagtapos ako ng commerce.”
Nag-isip si Reynan.
“Puwedeh ka sa mga establishment dun.”
“Hindi kaya ako mahomsik?”
“Hindih kah mahohomsik dahil mayroong tsik!”
(Itutuloy)
- Latest
