Ang Kapitbahay (60)
“Bakit hindi ka pa nag-aasawa, Vince?” tanong ni Marge.
“Nag-iipon pa ng pera. Gusto kapag maraming-marami na.”
“Sa tingin ko, marami ka ng ipon.”
“Kaunti pa lang.”
“Baka tumandang binata ka!”
“Hindi bale. Kaysa naman mag-aasawa e walang pera.”
“Sabagay. Marami ngayon, naghihiwalay dahil sa kawalan ng pera. Nag-aaway dahil walang panggastos.”
“Kaya maraming single parent ngayon ano?”
“Oo. Kapag wala nang pera, nag-aaway na at kasunod na ang hiwalayan.”
“Tama ka Marge.”
“Kaya tama ka, Vince, mag-ipon ka muna nang maraming pera. Pero huwag ka namang magpapakatandang binata.”
“Hindi naman siguro.”
“May siyota ka na Vince?”
“Wala pa.”
“Paano ka makapag-asawa e wala ka pang siyota?”
“Darating din ‘yun.”
“Maghanap ka na.”
“Bahala na.”
“Pero nagkasiyota ka na?”
“Nung high school.”
“Bakit hindi mo hanapin ang naging siyota mo—malay mo single pa.”
Sasagot sana si Vince pero lumabas ang anak ni Margie na hawak ang CP.
“’Ma si Papa, tumatawag!”
“Sandali Vince!”
(Itutuloy)
- Latest
