Dioscora (329)

“CONGRATS sa inyo ni Angel, JC,’’ sabi ni Shappira na tuwang-tuwa nang malaman na ikakasal na sina JC at Angel sa susunod na taon.

“Salamat Shappira.’’

“Napakasuwerte ni Angel at ikaw ang mapapanga­sawa. Alam mo kung bakit ko nasabi iyon, JC?’’

“Bakit Shappira?’’

“Dahil sa mommy ko. Hindi pipili ang mommy ko nang hindi mabuting­ tao. Ikaw ang pinili niya dahil alam niya na deserving ka. Mapagkaka­tiwalaan at siyempre ma­talino.

“At isa pa, pinili ka rin ni Lolo SP na maging pinuno ng kompanya dahil mapagkakatiwalaan ka. Naiiba ka JC.’’

“Salamat Shappira.’’

“Kaya napakasuwerte­ ni Angel. Ipaabot mo sa kanya ang aking pagbati.”

“Makararating Shappira.’’

“Gusto ko JC na isama mo si Angel sa foundation ng aking ina. Nararamdaman­ ko na mayroon siyang ma­laking maitutulong sa foundation. Magtulong kayo para lalo pang lumawak ang Dios­cora Foundation.’’

“Masusunod ang mga sinabi mo. Shappira.’’

“Balak ko nga pala na mag­pagawa ng mga school sa mga barangay, JC. Posible ba ang naisip ko?’’

“Oo Shappira. Makikipag-ugnayan tayo sa DepEd sa balak mo.’’

“Ilalagak ko na nang todo ang perang namana ko sa pagtulong sa pamamagitan ng Dioscora Foundation.’’

“Masusunod, Shappira.’’

“Salamat JC.’’

Natupad ang pangarap­ ni Shappira. Nakapagpatayo ang Dioscora Foundation­ ng mga elementary schools.

“Masaya siguro si Mam sa kinalalagyan niya nga­yon, Angel.’’

“Oo JC. Natupad ang pangarap niya.’’

“Sabi ni Shappira, itotodo niya ang pinamana ng kan­yang Lolo SP para sa foun­dation at sa pagpapagawa ng mga school.’’

“Ang laking ka­yamanan ‘yun, JC.’’

“Oo Angel. Pero sabi ni Shappira, hindi lamang siya ang magiging ma­saya kundi pati ang mommy niya.’’

“Talagang mahal na mahal ni Shappira ang mommy niya.’’

“Oo, Angel. Sobra-sobra ang pagmamahal niya sa kanyang ina.’’

Tatapusin na bukas