“MARUNONG ka palang uminom, Tess,” sabi ni Prof. “Taga-Quezon ka ba?”
“Hindi Sir.”
“Kasi yung mga babae sa amin sa Quezon e malakas uminom ng lambanog.”
Napangiti na lang ako. Nararamdaman ko pa ang init ng hagod sa lalamu-nan ng imported na alak. Mas masarap kaysa sa ininom namin sa birthday party ni Carlo, yung siyota ni Cherry. Naalala ko tuloy na sa party na iyon ako napagsawaan ng hayop na si Bobby. Tangnang lalaki iyon!
“Tikman mo itong nilu-to kong pulutan, Tess,” sabi ni Prof at iniabot sa akin ang tinidor. Pork chop. Hiwa-hiwa na.
“Masarap yan. Sige kuha na. Isawsaw mo rito sa maanghang na suka.”
Naglaway ako. Tumusok ako ng katamtamang laki ng porkchop. Isinawsaw sa sukang may sili. Isinubo ko. Una kong nalasahan ang suka. Maanghang. Malambot ang karne.
“O ano masarap ano?”
Tumango lang ako.
“Teka at ikukuha kita ng kanin. Para me laman ang tiyan mo. Maski magkasarapan tayo e di walang problema.”
“Sir baka malasing ako.”
“Hindi. Okey lang ‘yan. Di ba magkukuwentuhan pa tayo? Sige ka baka big-la kong makita ang exam paper…”
“Sir hindi talaga ako sanay uminom.”
“Kaunti pa, Tess. Diyan ka lang at kukuha ako ng kanin.”
Nararamdaman ko na ang pangangapal ng aking pisngi. Unti-unti nang umiinog ang paligid. Pero mas banayad ang pag-inog ng aking paligid ngayon kaysa noon. Noon e parang nabigla ako kaya bigla rin ang pag-ikot ng mundo. Suwabe ang alak ni Prof.
“O Tess, kumain ka muna. Masarap ang porkchop sa mainit na kanin. Eto me catsup pa.”
Tumango ako.
Nilagyan ako ni Prof ng kanin sa pinggan. Nilag- yan ng hiniwa-hiwang porkchop.
“Kumain ka muna para me laman ang tiyan mo.”
Kumain ako.
“Ikaw Sir.” Alok ko.
“Sige okey lang ako. Basta nakikita kong kumakain ka e nabubusog na ako.”
Nambobola pa si Prof.
“Maganda ka talaga ano? Sa lahat ng estudyante ko ikaw lang ang pinakamaganda.”
Nagtawa ako. Medyo malanding tawa. Gumagapang na ang espiritu sa katawan ko.
“Hindi naman Sir.”
Nagsalin ng alak sa dalawang baso si Sir.
“O sabay uli tayo. Para mas masaya.”
Hindi na ako naka-tanggi.
(Itutuloy)