CEBU, Philippines - Gimultahan sa FIFA ang Hong Kong Football Association (HKFA) ug 33,150 dolyares tungod sa gi-ingon nga usa ka racist behavior sa pipila nila ka nga fans nga ilang gitumong ngadto sa mga Filipinos atol sa duwa tali sa Hong Kong ug sa Philippine Azkals nga nahitabo kaniadtong Hunyo 4 sa miaging tuig.
Ang FIFA Disciplinary Committee nagtigum kaniadtong Nobiyembre 6, 2013 aron tukion ang maong insidente. Ang gihisgotan nga isyu mao ang gi-ingon nga minority sa mga Hong Kong supporters gipasanginlan og racial discrimination.
Ang HKFA pinaagi sa ilang Chief Executive Officer nga si Mark Sutcliffe mipadayag sa iyang kahimangud kalabot sa maong kontrobersiya.
“We are disappointed with this initial decision and we reserve the right to lodge a formal appeal once we have been given more information on the grounds for this decision. I wasn’t at the match but I reviewed all of the evidence and prepared a detailed report on the incidents for FIFA,†matud pa ni Sutcliffe.
Midugang si Sutcliffe sa pag-ingon “In my opinion, the incidents were very minor in nature and there was significant provocation by a number of the Philippine players. Having said that we do not condone any acts of violence or racial discrimination and as I stated publically before, we will implement stadium bans on any individuals convicted of an offense of this nature.â€
Sa maong duwa, midaug ang Azkals sa iksor, 1-0 sa ilang friendly match pinaagi sa goal ni James Younghusband.
Human sa duwa, mireklamo ang mga Filipinos nga misaksi sa duwa tungod sa dili maayong pamatasan nga gipakita sa mga Hong Kong fans.
Sumala pa sa mga Pinoy fans, gipang-itsahan sila'g botelya sa tubig ug uban pang mga sagbot ug kanunay sab silang mo-boo kung patukaron na ang Philippine National Anthem. (BANAT NEWS)