Ynah, Alin Brokers midaog

CEBU, Philippines -  Midaog na sab ang Ynah Brokers ug ang Alin Brokers sa nagpadayon   3rd  Cebu International Port Users (CIPU) basketball

tournament niadtong Martes didto sa USC-North Campus gym sa dalan Gen. Maxilom avenue, ning dakbayan.

 Sa pasiunang duwa, si Jeff Garcia miantog og 20 puntos  aron pangulohan ang Ynah Brokers ngadto sa 84-69 nga kadaugan

batok sa PCB Brokers, samtang si Alin Brokers team owner Israel Alin mikamada og 15 puntos aron maoy mangu sa ilang 70-64 nga

kadaugan batok sa Global Carrier.

 Tungod sa maong kadaugan, ang Ynah Brokers ug Alin Brokers parehong nagbitbit og 2-2 nga baraha, uban  sa ROSCAN

Liners ug   Global Carrier.

 Balanse kaayo ang opensa sa Ynah Brokers diin 12 sa ilang players ang nakaiskor,  samtang unom lang sa PCB nga

gipangulohan ni Alexander Plando, kinsa miposa'g 16 puntos, gisundan ni Rocky Lim nga adunay 15 puntos.

 Upat ka Global Carrier players ang mihimo’g double digits  nga gipangulohan nilang Erwin Diaz, kinsa miburak og 13 puntos.

puntos matag usa

Unang duwa:

 Ynah Brokers (84) - Je. Garcia 20, Laborte 17, Allerite 8, Guardiano 8, Castillo 6, Peras 6, Oporto 4, Villarin 4, Tecson 4, Ju. Garcia

3, Carmen 2, Gornez 2

 PCB (69) - Plando 16, Lim 15, Velasquez 11, Pangan 8, Davila 4, Arevalo 4

Ikaduhang duwa:

 Alin Brokers (70) - Alin 15, Barral 14, Alimoren 12, Estorgio 10, Igpit 7, Lobitaña 5

 Global Carrier (64) - Diaz 13, Manulat 12, Aniñon 12, Cabillada 10, Miscala 9, Caynilla 6 (BANAT NEWS)