CEBU, Philippines - Duha ka tawo ang nasikop sa Fuente Police Station labot na sa kasaulogan sa Sinulog Grand Parade tungod sa kahubog, usa kanila usa ka langyaw nga nanakit og duha ka babaye.
Si PO2 Gelou Destacamento, desk officer sa Fuente Station 2 miingon nga naaresto ug natanggong karon sa maong police station ang hapon tungod sa kasong physical injury.
Ang suspetsado naila nga sila si Shindo Yuchiro, language student sa usa sa mga language schools dinhi sa siyudad sa Sugbu.
Ang maong langyaw gireklamo nila ni Thelma Mata, 73, ug ang pag-umangkon niya nga si Cheryl Elumba, 45.
Sumala pa ni Destacamento nga ang maong Hapones diha sa luyo sa mga biktima samtang nagtan-aw og parada apan giingon nga kalit niyang gisiko si Elumba. Apan dihang gisitar kini niini ang suspetsado.
Matud pa giusab niini og tukmod si Elumba apan naapil si Mata nga natumba ug nabunal ang ulo sa gutter sa dalan.
Sumala pa ni Destacamento nga gisumbag pa sa maong Hapon ang 73- anyos nga biktima hinungdan nga naglabad ang iyang ulo.
Samtang usa ka Vicente Gilbolingo ang gidakop sa mga polis sulod sa Cebu City Sports Center human gikatahong nagmaoy. (BANAT NEWS)