I want to be a saint

Kini ang unod sa recollection nga gihimo alang sa mga kabataan sa Mainggit Elementary School. Ang nipahigayon niini mao man si Kelly Lee Sisneros.

Kining  maong kalihukan follow up sa naandang Meal with the Saints program sa mga nagkadaiyang mga tunghaan.

Tumong niini aron mahatagan og igong kahigayonan nga mas masabtan sa mga kabataan ang bili sa kinabuhing balaan.

Dili lang kini mahitungod sa kinabuhi sa mga santos nga ilang nadungog sa mga magtutudlo kondili mahitungod kini mismo sa ilang kinabuhi nga mamahimong mga balaan sa ilang kaugalingong panahon inabagan sa grasya sa Dios.

Ang tawag sa pagkabalaan tawag natong tanan. Kini kuyog usab sa tawag sa paghigugma.

Bisan unsa pa man ang atong kahimtang sa kinabuhi minyo, single, pari, madre, relihiyoso ang adunay dakong tawag aron mamahimong balaan sa iyang kaugalingong kahimtang.

Ang mahinungdanon mao nga maantigo lang kitang mahigugma sa Dios nga atong gialagaran ug gisimba. This is God’s will for us people of today: “To become saints and heroes someday!”