Hiyasmin (237)

“GUSTO ko makasal na sina Hiyasmin at Dax, Mareng Lira. Excited na akong magkaapo, ha-ha-ha!” sabi ni Nanay Julia.

“Ako rin excited na, Mareng Julia. Gusto ko na ring magkaapo.’’

“Tiyak na maganda o kaya’y guwapo ang magiging apo natin.’’

“Oo nga Mareng Julia. Naiimadyin ko na ang mukha ng ating magiging apo.”

“Sana magpakasal na ang dalawa.”

“Ano ba ang sabi sa’yo Mareng Julia?”

“Nagpaplano na raw sila.”

“Ngayong taon kaya na ito?’’

“Siguro.”

“Mas mabuti ay itanong natin sa dalawa.”

“Mabuti pa nga.’’

“Wala namang magiging problema sa gagastusin sa kasal nila dahil maraming ipon si Dax. Minsan nasabi niya sa akin, na bukod sa savings niya sa banko ay mayroon pa rin siyang investment. Kaya kung mag-aasawa raw siya at magpapakasal, walang problema sa gagastusin.”

“Napakasuwerte talaga ni Hiyasmin—mayaman na ay mabait pa ang mapapangasawa.”

Napahalakhak si Nanay Julia.

(Itutuloy)