Career ang prayoridad
CEBU, Philippines — Gitataw sa bokalista sa bandang Cup of Joe nga si Gian Bernardino nga prayoridad niya ang iyang career busa wala pa gyud masulod sa iyang hunahuna nga mosulod og relasyon. Pananglitan kun duna siya'y love life , louy kaayo ang iyang partner gumikan kay busy kaayo ang iyang career.
Liwat sa ginikanan
Gipasigarbo og maayo ni Baron Geisler ang acting performance sa iyang anak nga si Sophia Asistio . Suma pa ni Baron naliwat kaniya ang iyang anak ingon man usab sa inahan niini nga si Nadia Montenegro. Adunay acting debut si Sophia sa pelikulang “Bad Boy 3” nga gibidahan ni Senador Robin Padilla .
Matt Damon, intresado makatrabaho si Echo
Human sa ilang panagkita sa red carpet premiere sa pelikulang “The Odyssey” didto sa Mumbai, India, nipadayag og interes ang Hollywood actor ug “The Odyssey” star nga si Matt Damon nga makatrabaho ang Filipino actor nga si Jericho Rosales,
Sa Instagram post ni Jericho niadtong Lunes, iyang gipaambit ang video sa iyang pagpa-autograph kang Matt atol sa premiere sa pelikula.
Sa video, gipadayag ni Jericho ang iyang pagdayeg sa Hollywood actor pinaagi sa pag-ingon, “Man, you inspire me so much.”
Mitubag si Matt og, “Thanks, man. I really appreciate it. Hopefully we work together”. Nailhan ang aktor sa iyang mga papel sa daghang blockbuster films sama sa “Good Will Hunting,” “The Martian,” “The Rip,” “The Bourne Supremacy,” ug “The Departed”.-
- Latest
