Update sa panglawas ni Kris

CEBU, Philippines — Gibutyag ni Kris Aquino  ang dugang hagit nga giatubang niya karon samtang nagpadayon ang pagpaalim niya sa iyang sakit,

Nanurok  ang rashes sa nagkadaiyang parte sa iyang lawas .

Suma pa ni Kris nga kapin sa duha ka semana na siya nga dunay Lupus Flare fever .

“I  wanted you to see the pain and struggle so that you will continue to pray. I have a Lupus Flare fever now. It’s been more than 2 weeks ,” Instagram post ni Kris.

No third party

Gibutyag ni  Mikee Quinto nga wala’y  third party  ang panagbuwag nila ni  Paul Salas .  Niabot og upat ka tuig ang  ilang relasyon.    “A month ago na yung nagstart kami magusap about this decision. Ngayon, nagiging clear sa amin na ito nga yung tama for us. Mutual naman na decision to,” saysay pa ni Mikee sa interview niini sa programang "Fast Talk with Boy Abunda”.

KCFI gipasidunggan

Gipasidunggan sa Department of Education (DepEd) ug  National Teachers’ Month Coordinating Council (NTMCC) ang Knowledge Channel Foundation Inc. (KCFI)  gumikan sa kontribusyon niini sa selebrasyon sa Teachers’ Month alang sa mga materyales niini  pinaagi sa Knowledge Channel Learning Resources.

Kadugo sa mga beauty queen

Ang 15 anyos nga anak ni Joey Marquez nga si Jomelle Joegy Marquez maoy representante sa Pilipinas sa  Miss Teen Global 2025 nga pagahimoon sa  Rio de Janeiro, Brazil.  Tataw nga mao kini ang nisunod sa tunob sa iyang igsoun nga si  Winwyn (Reina Hispanoamerica 2017 ), sa ig-agaw niya nga si  si Michelle Dee (Miss Universe Philippines 2023) ug sa iyaan niya nga si  Melanie Maquez (Miss International 1979).

Big mountain mag- concert sa Cebu

Naghinam-hinam ang American reggae band nga Big Mountain  alang sa umaabot nila nga konsyerto dinhi sa Dakbayan sa Sugbo .

Ang ilang konsyerto kay mahitabo ugma sa gabii , Abril 4, 2025 diha sa Social Park Avenue sa Mango Square.

Atol sa ilang presscon kagahapon , gibutyag sa mga sakop niini nga mapasalamaton gyud sila sa ilang Pinoy fans gumikan sa padayong paghangop niini sa ilang grupo.

Suma pa sa bokalista sa banda nga si Joaquin “Quino” McWhinney nga ang tinud-anay nila nga paghigugma sa musika maoy rason nga wala gyud nahupas ang ilang career bisan sa mga pagsulay nga ilang naagian.

Naporma  ang  maong banda niadtong 1986  ug  ubay-ubay napud ka mga miyembro ang nangagi niini.

Kahinumdoman nga nahimong sikat ang maong banda tungod sa ilang cover sa kanta nga “Baby, I Love Your Way”.

Ni-perform  kagahapon  sa ilang presscon ang grupong Trio Amorsiko nga nakadawat og mga pagdayeg gikan sa  Big Mountain.

Molugwa usab isip guest sa ilang konsyerto mao ang banda nga Brownskin Diddim.

Ang "Baby, I Love Your Way:  kay naglawig sa international music scene ug nakatungtong kini sa No. 6 sa US Billboard Hot 100 ug No. 2 sa UK niadtong 1994.

Ruru nalandig sa tambalanan

Gidala sa tambalanan ang  aktor nga si Ruru Madrid sa niaging adlaw human nakabaton  og  injury gikan sa taping sa Kapuso series niya nga  “Lolong“.

Dili gyud niya madala ang kasakit sa iyang paa sa dihang gihimo ang usa ka eksena niadtong tungora.

"Habang nagte-taping para sa ‘Lolong,’ I was giving it my all–full speed–then suddenly, pop. Alam kong may mali. My leg gave out, and I couldn’t continue,” suma pa ni Ruru

Bisan pa man sa maong sitwasyon , gihuna -huna gihapon sa aktor ang nahibilin niya nga mga eksena busa panghinaot niya nga dili kaayo grabe ang kasamtangan niya nga sitwasyon.

"Masakit? Oo. Pero mas masakit ‘yung pakiramdam na kailangan kong huminto. All I could think about was my team, the scenes we still have to finish, and how much I wanted to push through. But that’s the reality of doing action—sometimes, your body reminds you that you’re only human," dugang pa sa aktor.

Gen Z nga VJs sa MYX gipaila na

Pormal na nga gipaila sa music channel nga MYX ang unom ka bag-o nila nga  video jocks (VJs) nga nag-representar sa bag-ong henerasyon.

Ang bag-ong VJs  kay gilangkoban nila ni Robbie Jaworski, Ameera ‘Eya’ Almamari, Ella Regudo, Kring Prologo,  Ozzie Llige, ug Jarren Garcia .

Sila ang bag-ong makauban sa  longtime VJ nga si Samm Alvero alang sa pagdalit saog latest music ug sa kasikas sa  pop culture .

Makita ang mga programa sa  MYX pinaagi sa  SKYcable channel 23, Cignal channel 150, ug uban pa nga mga channel  sa nagkadaiyang  cable operators nationwide. 

Mark mitubag sa alegasyon ni Jojo

Gitubag ni Mark Herras ang alegasyon sa singer nga si   Jojo Mendrez nga matud pa  iyang  gihulga nga sunogon ang balay niini.

Kahinumdoman  nga gi-blotter ni Jojo sa kapolisan   sa niaging adlaw ang  giingong pagpanghulga ni Mark kaniya,

Apan sa mensahe nga gipadala ni Mark ngadto TV5 reporter nga si  MJ Marfori ,   gibutyag sa aktor nga dili niya batasan  nga manghadlok bisan pa man nga himoan siya  og isyu.

Mas pilion pa sa aktor nga  gamiton ang iyang enerhiya ngadto sa iyang pamilya ug trabaho.

"Gagawa na lang ng issue yung halatang katarantaduhan pa,” matud pa ni Mark.

Suma pa sa aktor nga wala siya’y plano nga mopatol sa isyu  nga gibato kaniya.  

“Hayag” karong Abril 7

Duna gyu’y gitagana nga mga tawo  nga maoy mohatod sa kahayag sa ubang indibidwal nga nagsagobang og mga pagsulay.

Tipik kini  sa mga nagtangag nga mensahe  sa umaabot nga awit ni Johnel  Bucog nga “Hayag”.

Sila si Nashy Casas, Paul Rosa, ug  John Peterson Villarin  maoy  nagtagik sa maong awit.

“Muabot ka’g muhupay sa’kong kakapoy,” tipik sa  maong awit.

Madungog ang  “Hayag” sugod karong Abril 7, 2025 sa Spotify, YouTube, ug sa ubang  digital platforms.

Gipaabot usab nga molugwa si    Reena Zoe Ramil sa music video niini nga gimugna ni Liz Jonathan Tobes. 

Top Gun ug Batman star Val Kilmer mipanaw

Mipanaw ang 65 anyos nga  Hollywood actor nga si Val Kilmer gumikan sa  pneumonia niadtong Abril 1, 2025.

Nakabsan siya sa iyang kinabuhi didto sa Los Angeles, California. ug gikumpirmar kini sa iyang anak nga si Mercedes .

Kahinumdoman nga niadtong  2014, na-diagnose si Kilmer nga dunay  throat cancer.

Gianunsyo niadtong  2020 ang pagkaayo sa iyang  throat cancer apan padayon siya nga mogamit og feeding tube aron siya makakaon.

Sikat kaayo si  Kilmer niadtong  dekada '90 ug siya ang  highest-paid actor niadtong panahona .

Pipila sa mga  karakter  nga gidala ni Kilmer sa pelikula;  Jim Morrison sa The Doors (1991); Doc Holliday sa Tombstone (1993); Batman/Bruce Wayne sa Batman Forever (1995); Simon Templar sa The Saint (1997); tingog ni Moses/God sa Prince of Egypt (1998); ug  porn actor nga si John Holmes sa Wonderland (2003).

Nalakip usab siya kaniadto sa  Heat (1995), The Island of Dr. Moreau (1996), Pollock (2000), Spartan (2004), Alexander (2004), ug  Kill The Irishman (2011).

Katapusan niya nga movie project mao ang   Top Gun: Maverick niadtong 2022.