Cardong Trumpo napili isip PGT Season 7 Grand Winner

CEBU, Philippines — Si Ricardo Cadavero nga mas nailhan sa ngalan nga Cardong Trumpo maoy gideklarar nga Grand Winner sa Pilipinas Got Talent Season 7 atol sa The Final Showdown niadtong Domingo sa gabii.

Nakaangkon siya og 99.5%  gikan sa botos , ug nakadawat   og P2 milyon nga cash prize, nga gipresentar sa mga PGT judges nga sila Kathryn Bernardo ug FMG, uban sa opisyal nga proklamasyon gikan sa ABS-CBN COO for Broadcast, Cory V. Vidanes.

"Pangarap ko lang po na 'yung isang kilong bigas magkasya lang sa tatlong beses sa isang araw... pero sobra-sobra itong binigay niyo sa'kin. Lord, thank you, at sa inyong lahat, maraming, maraming salamat!, “ matud pa ni Cardong Trumpo.

Gipabilib niya ang mga hurado ug viewers pinaagi sa iyang katingalahang talento sa paggamit sa tradisyonal nga trumpo nga gipasayaw sa iyang kamot, sa metal tray, ug uban pa.

"Shagidi" sa BINI nataypan dayon

Nagmaya ang    grupong BINI gumikan kay nakalangkat napud og laing  milestone ang  special tour single nila nga "Shagidi".

Nakalangkat na kini og kapin sa 2 millions streams sa Spotify.

“We feel like doing a happy dance!,” social media post sa maong grupo. Dili basta-basta nga suwerte ang naangkon sa ilang career karong panahona  ug nagmalampuson usab ang ilang "BINIverse World Tour 2025" sa  Seattle ug  Vancouver.

Ang BINI kay gilangkoban nila ni  Aiah, Colet, Maloi, Gwen, Stacey, Mikha, Jhoanna, ug  Sheena. 

“Forever Fyang” gilusad na!

Hingpit na nga usa ka recording artist ang “Pinoy Big Brother: Gen 11” Big Winner nga si Fyang Smith human gilusad  ang iyang five-track debut album nga “Forever Fyang” nga naglakip sa mga awit nga “Mishu (Nasaan Si Fyang?)” ug “Tayo Hanggang Dulo” nga dali ra nakasaka sa una ug ikaduhang pwesto sa iTunes Philippines songs chart.

Pasok usab sa maong album ang mga awit nga  “Clingy AF” nga gisulat ni Gabriel Tagadtad, “Kaya Mo Ba” nga gimugna  ni Jeremy G ug Jarea, ug ang “Para Shoot” nga gikan sa award-winning composer nga si Jungee Marcelo. Si Roque “Rox” Santos, ang head sa StarPop label, maoy nagsilbing overall producer sa maong album.

Nagmalampuson usab ang “Forever Fyang” album launch nga gipahigayon niadtong Domingo (Hunyo 22) sa New Frontier Theater. Kauban niya isip special guests ang mga kauban niya sa  “PBB Gen 11”  nga sila Kai Montinola, Kolette Madelo, Rain Celmar, JM Ibarra, ug ang Asia’s Songbird nga si Ms. Regine Velasquez-Alcasid.

Maris mitambong sa Taipei Film Festival

Nitambong  ang Kapamilya star  nga si Maris Racal sa  pagbukas sa  27th Taipei Film Festival  kun diin nalakip ang pelikula niya nga  Sunshine. Kauban niya  ang direktor sa maong pelikula nga  si Antoinette Jadaone.Ang  “ Sunshine “ maoy nagsilbing opening film sa maong  film festival.

Nabalaka gamay 

Aminado si Kylie Padilla nga duna siya’y kabalaka sa iyang  upcoming GMA Afternoon Prime series nga  'My Father's Wife.'   Posibleng   ikonektar  sa ubang tawo ang titulo sa maong teleserye ngadto sa mga minahal niya sa kinabuhi ilabi na sa iyang  step mother nga si  Mariel Padilla.  Gani sa tinoud nga kinabuhi,  dangpanan niya ang iyang Tita Mariel kun duna siya’y  mga problema ."Actually, I was worried about that. Ayoko siyempreng i-associate ng mga tao sa kanya, 'di ba?" saysay pa ni  Kylie  nga namantala sa gmanetwork.com.

Gikagat sa Canada

Sold out ang  mga special screening sa pelikulang  "Only We Know" didto sa Canada.    Gitambongan kini mismo sa  mga bida sa maong pelikula nga sila si Charo Santos ug  Dingdong Dantes .   Gikatakda usab nga motikang ang duha sa Los Angeles, California alang sa dugang hugna sa promosyon sa ilang pelikula.

Magtigom gyud JK mitambag alang sa mga gustong magka-anak

Kinahanglan nga mag-enjoy ang mga bata sa  kasamtangan nila nga pangedaron ug dili angayan ma-pressure sa istado sa ilang pamilya. Mao kini ang opinyon sa  usa sa mga hurado sa singing competition nga “Idol Kids Philippines” nga si  Juan Karlos Labajo  . 

Matud pa niya nga subo kaayo  palandungon nga duna siya’y madunggan nga bata nga nisalmot og kompetisyon aron makatabang sa  ilang ginikanan.

Tambag niya sa mga tawo nga gustong makaanak nga kinahanglan nga magtigom daan.

“Sobrang nakakalungkot para sakin kapag merong isang eight year old. ‘Ba’t ka sumali ng Idol Kids?’ ‘Para po matulungan ang magulang ko.’ Why? Let the kids be kids. The kids deserve to be children. Bago kayo mag-anak, mag-ipon muna kayo. Nakakalungkot lang na parang at eight years old, you’re already thinking about that? Won’t it be nice to just have fun?. I get the hardships of life. I come from that,” saysay pa  singer atol sa media conference sa Idol Kids Philippines.