Light Bombers wasak sa Junior Altas
MANILA, Philippines — Nagkuwintas si Lebron Jhames Daep ng team-high 15 points, 8 rebounds, 1 steal at 1 shotblock para banderahan ang University of Perpetual Help System DALTA sa 85-78 panalo sa Jose Rizal University sa NCAA Season 100 juniors basketball tournament kahapon sa FilOil EcoOil Centre sa San Juan City.
Todo-kapit ang Junior Altas sa solong liderato sa kanilang 5-1 kartada.
Nagdagdag sina Jim Corpuz, Jan Pagulayan at Jericho Cristino ng tig-13 points para sa paghuhulog nila sa Light Bombers sa 2-4 marka.
Umiskor si Lee Marin ng 24 points, habang may 16 markers si Lexi Callueng para sa Light Bombers.
Samantala, bumira si EJ Castillo ng season-best 28 points sa 76-73 paglusot ng Emilio Aguinaldo College Brigadiers sa San Sebastian Staglets.
May 4-2 record ngayon ang Brigadiers.
Kumamada si Johnray Ladica ng 24 points para gabayan ang Arellano Braves sa 91-84 pagpapatumba sa St. Benilde-La Salle-Greenhills Greenies para sa magkatulad nilang 3-3 baraha.
Nag-ambag si Chris Dy ng 17 markers at may 13 points si Axel Mendoza para sa pagputol ng Braves sa dalawang dikit na kamalasan.
- Latest
