2 Nigerian arestado sa pagkulong sa 4 kababayan

MANILA, Philippines — Arestado ang dalawang Nigerian National sa isinagawang follow up operation ng pulisya matapos humingi ng tulong ang 1 kaibigan ng isa sa 4 na biktima na ikinulong ng mga ito sa kanilang bahay, kamakalawa sa Brgy. Sahud Ulan, Tanza Cavite.

Sa ulat ng pulisya, alas-4:10 ng hapon nang magkasa ng operasyon ang puwersa ng Regional Intelligence Division (RID)-RSOU 4A Team kasama ang Tanza Police at Tanza Social Welfare sa bahay na nirerentahan ng mga suspek na kinilala sa mga alyas na Primus at alyas Precious, kapwa Nigerian national upang isagawa ang rescue operation matapos magtungo sa kanilang tanggapan ang isang Nekka Solleza, hinggil sa umano’y pagkulong ng mga suspek sa apat nilang kababayan.

Matagumpay na nasagip ng mga otoridad ang 4 na biktima at naaresto ang 2 suspek na kasalukuyan ng nakakulong at nahaharap sa mga kasong illegal detention.