Flocerfida (234)
“UNIQUE ang name mo Ericko,’’ sabi ni Dang.
“Salamat, Dang. Magkasingganda tayo ng name.”
“Bakit mo naman nasabi kanina na may kuwento sa name ko, Ericko?”
“Mayroon kasing nabanggit ang namatay kong tatay na ganyan ang name. Hindi ko lang gaanong ma-recall pero may kuwento sa likod ng Flocerfida.”
“Talaga ha? Dapat pala proud ako sa name ko.”
“Bakit dati ba parang ayaw mo sa iyong name?”
“Minsan lang naman. Kasi ang daming maipapangalan sa akin e kung bakit Flocerfida pa ang napili.”
Nagtawa si Ericko.
“Maraming ganyan—ayaw sa name nila dahil pangit daw.”
“By the way Ericko, ano nga pala ang course mo?”
“BS Chemistry ako.”
“Wow! Magdo-doktor ka?”
“Kapag nakapasa, ha-ha-ha!”
“Papasa ka sigurado. Tingin ko matalino ka, Ericko.”
“Ay salamat at may nagsabi rin ng totoo, ha-ha-ha!”
Napatingin si Dang sa relo.
“May klase pa ako Ericko. Salamat uli sa pagkapulot mo sa ID ko. Nice meeting you.”
“Nice meeting you too. Sana magkita uli tayo Dang.”
Napatango si Dang at umalis na.
(Itutuloy)
- Latest
