Nakakahalata na si Juan sa mga asungot na ­senator at congressman

MARAMI nang nakapapansin na malabnaw ang ginagawang imbestigasyon ng mga senator at congressman sa isyu ng POGO. Exposures lang daw para sa 2025 election ang hinahabol. Malay natin kung may ibang pakinabang, di ba?

Nagkukulang ang mga lider ng bayan na ipakita ang kanilang dedikasyon sa paninilbihan dahil ang hinahanap ay ang pakikinabangan. Hanap bakas daw?

Nakadidismaya ang mga ikinikilos ng ilang senador at kongresista sa kanilang imbestigasyon sa POGO at extra-judicial killings bunga ng war on drugs sa nakaraang administrasyon. May paistar lang kahit sablay. He-he-he!

Ilan lamang ang katulad nina Senators Risa Hontiveros at Win Gatchalian; Representatives Bitrics Luistro, Zia Alonto Adiong, Romeo Acop at Benny Abante na talagang dumidiin sa kanilang pag-iimbestiga. Mabuhay kayo!

Nakatatawa raw ang ikinikilos ni Rep. Dan Fernandez kapag nagtatanong kay Cassandra Li Ong. Nahahalayan daw ang ibang kasamahan. Nakupo!