Manong Wen (179)
ITINIGIL ang van sa kakahuyan.
“Akin itong bata ha!’’ sabi ng isang kidnapper.
“Huwag mo namang solohin, Marko” sabi ng drayber, “Pare-pareho lang tayong nagpakahirap diyan!”
“Sino bang lider sa lakad na ito, Jigs?” tanong ng tinawag na Marko.
“Ikaw!”
“Ako pala e, di ako muna ang magpapasasa sa magandang ito. “Yang mas matanda ang sa inyo!”
Tiningnan nang matalim ni Jigs si Marko.
“O anong tinitingin-tingin mo, gusto mo pasabugin ko ang bungo mo nitong kuwarenta’y singko?”
Umastang lalaban si Jigs. Pero sinigawan sila ng isa pang kasamahan na ang pangalan ay Tsong. “Tigilan n’yo yan! Tikman na lang natin ang dalawang tsikas para matapos na!’’
“Eto kasing si Jigs akala mo kung sinong makatingin e wala namang ibubuga.”
“Anong walang ibubuga?”
“Talaga namang wala kang ibubuga e,” sabi ni Marko at mabilis na binunot ang kuwarenta’y singko at tinutok sa ulo ni Jigs. “O ano, kakatsang ka pa?’’
Hindi nakakilos si Jigs. Namutla. Hindi inaasahan ang iglap na pagbunot ni Marko.
“’Lis diyan!’’ Sinipa si Jigs. Nabahag ang buntot ni Jigs. Lumabas ito sa van.
Kumilos naman si Marko at binuhat si Precious. Dinala ito sa di-kalayuan. Ibinaba sa ilalim ng isang punongkahoy.
Parang hayok na inalis ang palda ni Precious. Lalo nang tumulo ang laway ni Marko nang matambad ang maganda at makinis na hita ni Precious.
(Itutuloy)
- Latest
