Ano ba ang Pasko?

Ano ba ang Pasko? Ito ay tradisyon

na kumikilala sa ‘ting Panginoon;

Siya’y isinilang nang unang panahon

sa isang sabsabang halos walang bubong!

Pangyayaring ito ay naglalarawang

dukha ay dakila kaysa mayayaman;

At ito’y totoo sa ating lipunan

ang Batang Mesiyas ay dukhang nilalang!

Kung ang Batang Hesus isinilang noon

sa isang palasyo at marangyang mansion;

Tayo’y hindi bilib pagka’t mali iyon

sapagka’t ang Diyos dukhang Panginoon!

Ang Batang si Hesus na dinadakila

ay batang mayaman sa pera’y sagana;

Mabubuhay Siya na lubhang marangya -

wala tayong Pasko na para sa dukha!