Kung Nalulungkot Ka…

SUBUKAN mo ang mga sumusunod para manumbalik ang iyong sigla:

• Buklatin ang mga lumang litrato. Napatunayan ng isang pag-aaral sa United Kingdom Open University, mataas ang pagbabago ng mood ng isang tao kapag binuklat niya ang lumang photos ng pamilya kaysa ngumuya ng chocolate o makinig ng kanta o tugtugan.
• Kumain ng mani o anumang nuts. Nagtataglay ang nuts ng omega-3 fats na humahadlang para makaramdam ka ng depresyon.
• Gumamit ng orange or lavender scent para kumalma ang kalooban.
• Maglakad sa umaga kung kailan hindi pa masakit sa balat ang sinag ng araw. Ayon sa ilang pag-aaral na isinagawa ni Dr. Kripke, MD ng University of California San Diego, ang taong madalas maarawan sa umaga ay mas ma­himbing matulog at hindi tinatablan ng depresyon.
• Ilista ang mga simpleng bagay na nagbigay sa iyo ng kagalakan sa puso. Halimbawa: Paglalakad ninyong mag-asawa sa mall na magka-holding hands. Maya-maya ay bigla niyang kukurutin ng pinong-pino ang iyong palad. Ikaw naman na may kaunting kaartehan ay mapapapitlag at mapapa-aray. Bubulungan ka ng iyong mister ng—Kung maka-aray…akala mo ‘virgin’. Tapos magkasabay kayong maghahagikgikan.
• Ayon sa mga psychologists ng University of California Riverside, ang pagsusulat at pag-alala sa mga nakaraang pangyayari na nakapagpasaya sa iyo anakakadagdag ng energy, nakakatanggal ng sakit ng kalooban at pagod.
• Tumawa.
• Mag-shopping.
• Mag-meditate.
• Manalangin.